Web
Analytics
مریم نوازنے سہالہ ریسٹ ہائوس میں جانے سے انکارکیوں کیا، وجہ جان کر آپ بھی سابق وزیراعظم کی صاحبزادی کو داد ینے پرمجبور ہوجائیں گے – Lahore TV Blogs
Home / پاکستان / مریم نوازنے سہالہ ریسٹ ہائوس میں جانے سے انکارکیوں کیا، وجہ جان کر آپ بھی سابق وزیراعظم کی صاحبزادی کو داد ینے پرمجبور ہوجائیں گے

مریم نوازنے سہالہ ریسٹ ہائوس میں جانے سے انکارکیوں کیا، وجہ جان کر آپ بھی سابق وزیراعظم کی صاحبزادی کو داد ینے پرمجبور ہوجائیں گے

اسلام آباد(مانیٹرنگ ڈیسک)نوازشریف اور مریم نواز اس وقت اڈیالہ جیل میں قید ہیں ۔ ن لیگی رہنما شیخ ارسلان حفیظ کا کہناہے کہ مریم نواز نے والد کو جیل بھیجنے اور خود سہالہ ریسٹ ہائوس میں پہنچائے جانے کی سختی سے مخالفت کی اور سرکاری حکام پر واضح کیا وہ اپنے والد کو اکیلے جیل میں اور خود سہالہ پولیس ٹریننگ کالج ریسٹ ہائوس میں نہیں جا سکتیں ۔نجی ٹی وی کے مطابق ارسلان حفیظ نے کہا کہ

لاہور سے اسلام آباد نواز شریف کو الگ چھوٹے جیٹ طیارے میں اور مریم نواز کو ہیلی کاپٹر کے ذریعے سہالہ ریسٹ ہاؤس لے جانے کا طے کیا گیا مگر لاہور ایئرپورٹ پر مریم نواز نے دو ٹوک الفاظ میں کہا کہ وہ اپنے والد کے ساتھ اکھٹے اسلام آباد جائینگی چاہے وہ جہاز ہو یا ہیلی کاپٹر۔ اس پر دونوں باپ بیٹی کو لاہور سے اسلام آباد انٹرنیشنل ایئرپورٹ کے کارگو ایریا میں ایک ہی جیٹ طیارے میں سوار کر کے پہنچایا گیا۔ جہاں پر انہیں حکام نے آگاہ کیا کہ مریم نواز کو بینظیر بھٹو شہید اور ان کی والدہ نصرت بھٹو کی طرح سہالہ ریسٹ ہاؤس میں قید رکھا جائے گا اور نواز شریف کو اڈیالہ جیل میں رکھا جائے گا اس پر ن لیگ کے رہنما کے مطابق مریم نواز نے دو ٹوک الفاظ میں کہا کہ وہ اپنے والد میاں محمد نواز شریف سے جدا ہو کر کسی ریسٹ ہاؤس میں کسی قیمت پر جانے کو تیار نہیں ہیں جہاں میرے والد کو رکھا جائے گا وہ بھی سہالہ ریسٹ ہاؤس کی بجائے اسی اڈیالہ جیل میں رہیں گی۔ اس پر حکام بار بار اپنے اعلیٰ حکام کو آگاہ کرتے رہے اور اپنے فیصلے بدلتے رہے آخر میں بیٹی کو باپ کے ساتھ اڈیالہ جیل موٹر گاڑیوں کے قافلے کے ساتھ کم و بیش نصف شب کے قریب منتقل کر دیا گیا۔واضح رہے کہ نوازشریف اور مریم نواز کو آج ناشتے میں اںڈہ ،پراٹھا اور چائے پیش کی گئی ۔