Web
Analytics
نئے پاکستان میں اسٹاک ایکس چینج میں زبردست تیزی، سرمایہ کاری مالیت میں بڑا اضافہ، نیا ریکارڈ بن گیا – Lahore TV Blogs
Home / بزنس / نئے پاکستان میں اسٹاک ایکس چینج میں زبردست تیزی، سرمایہ کاری مالیت میں بڑا اضافہ، نیا ریکارڈ بن گیا

نئے پاکستان میں اسٹاک ایکس چینج میں زبردست تیزی، سرمایہ کاری مالیت میں بڑا اضافہ، نیا ریکارڈ بن گیا

کراچی (این این آئی)پاکستان اسٹاک ایکسچینج میں کاروباری ہفتے کے پہلے روززبردست تیزی رہی اور کے ایس ای100انڈیکس کی41200،41300،41400،41500اور41600کی نفسیاتی حدیں بحال ہوگئیں،تیزی کے نتیجے میں سرمایہ کاری مالیت میں83ارب89 کروڑ روپے سے زائدکااضافہ ،کاروباری حجم گذشتہ روز کی نسبت11فیصدزائد جبکہ67.11فیصد حصص کی قیمتوں میں اضافہ ریکارڈ کیاگیا۔کراچی اسٹاک ایکسچنیج میں لسٹڈکمپنیوں کے اچھے مالیاتی نتائج اور حکومتی مالیاتی اداروں مقامی بروکریج ہاؤس سمیت دیگرانسٹی ٹیوشنز کی جانب سے بینکنگ ،توانائی،سیمنٹ اورکیمیکلزسمیت دیگرمنافع بخش سیکٹرمیں خریداری کے باعث کاروبارکا آغاز مثبت زون میں

ٹریڈنگ کے دوران ایک موقع پر کے ایس ای100انڈیکس41632پوائنٹس کی بلند سطح پر ریکارڈ کیاگیاتاہم اتارچڑھاؤکے باعث کے ایس ای100انڈیکس مذکورہ سطح پر برقرار نہ رہ سکاتاہم تیزی کا تسلسل سارا دن برقراررہا۔مارکیٹ کے اختتام پر کے ایس ای100انڈیکس501.68پوائنٹس اضافے سے41614.39پوائنٹس پر بندہوا۔مجموعی طور پر374کمپنیوں کے حصص کا کاروبار ہوا،جن میں سے251کمپنیوں کے حصص کے بھاؤمیں اضافہ،105کمپنیوں کے حصص کے بھاؤ میں کمی جبکہ18کمپنیوں کے حصص کے بھاؤ میں استحکام رہا۔سرمایہ کاری مالیت میں83ارب89کروڑ38لاکھ65ہزار43روپے کااضافہ ریکارڈ کیاگیاجبکہ سرمایہ کاری کی مجموعی مالیت بڑھ کر82کھرب54ارب78لاکھ56ہزار35روپے ہوگئی۔پیرکومجموعی طور پر25کروڑ41لاکھ8ہزار750شیئرزکاکاروبارہوا،جوجمعہ کی نسبت2کروڑ51لاکھ88ہزار60 شیئرززائدہیں۔قیمتوں کے اتار چڑھاؤ کے حساب سے نیسلے پاک کے حصص سرفہرست رہے ،جس کے حصص کی قیمت390.00روپے اضافے سے8900.00روپے اور یونی لیورفوڈزکے حصص کی قیمت349.99روپے اضافے سے7349.99روپے پر بند ہوئی۔نمایاں کمی فلپس موریس پاک کے حصص میں ریکارڈکی گئی،جس کے حصص کی قیمت170.44روپے کمی سے3238.36روپے اورآئس لینڈٹیکسٹائل کے حصص کی قیمت85.00روپے کمی سے1615.00روپے ہوگئی ۔پیرکوبینک آف پنجاب کی سرگرمیاں1کروڑ98لاکھ40ہزارشیئرز کے ساتھ سرفہرست رہیں،جس کے شیئرز کیقیمت28پیسے اضافے سے13.83روپے پرجبکہ کے الیکٹرک لمیٹڈکی سرگرمیاں1کروڑ76لاکھ2ہزارشیئرز کے ساتھ دوسرے نمبر پر رہی،جس کے شیئرز کی قیمت20پیسے اضافے سے6.68روپے ہوگئی۔پیر کوکے ایس ای30انڈیکس261.77پوائنٹس اضافے سے19999.54پوائنٹس،کے ایم آئی30انڈیکس1189.57 پوائنٹس اضافے سے69798.65پوائنٹس جبکہ کے ایس ای آل شیئر انڈیکس2181.81پوائنٹس اضافے سے30107.80پوائنٹس پر بند ہوا ۔