Web
Analytics
مسلم لیگ(ن) نے حکومت کی جانب سے شہباز شریف کو پی اے سی کی سربراہی سے ہٹانے کی ممکنہ تحریک سے نمٹنے کی تیاری شروع کر دی – Lahore TV Blogs
Home / پاکستان / مسلم لیگ(ن) نے حکومت کی جانب سے شہباز شریف کو پی اے سی کی سربراہی سے ہٹانے کی ممکنہ تحریک سے نمٹنے کی تیاری شروع کر دی

مسلم لیگ(ن) نے حکومت کی جانب سے شہباز شریف کو پی اے سی کی سربراہی سے ہٹانے کی ممکنہ تحریک سے نمٹنے کی تیاری شروع کر دی

لاہور(نیوز ڈیسک) پاکستان مسلم لیگ (ن) نے حکومت کی جانب سے شہباز شریف کو پبلک اکائونٹس کمیٹی کی چیئر مین شپ سے ہٹانے کیلئے کسی بھی ممکنہ تحریک کو ناکام بنانے کیلئے اپنی تیاریاں شروع کر دی ہیں، اس سلسلہ میں اپوزیشن کی تمام جماعتوں سے بھی رابطہ کیا جائے گا ۔ذرائع کے مطابق مسلم لیگ (ن) نے حکومت کی جانب سے شہباز شریف کوپبلک اکائونٹس کمیٹی کی چیئرمین شپ سے ہٹانے کے لئے کسی بھی طرح کے ممکنہ اقدام سے نمٹنے کیلئے پیشگی تیاری

شروع کردی ہے اور اس حوالے سے نہ صرف اسمبلی کے رولز سمیت تمام قوانین کا جائزہ لیا جارہا ہے بلکہ ڈٹ کر مقابلہ کرنے کا بھی فیصلہ کیا گیا ہے ۔(ن) لیگ کا موقف ہے کہ جو شخص رکن قومی اسمبلی اور قائد حزب اختلاف بن سکتا ہے کوئی بھی قانون اس کے پبلک اکائونٹس کمیٹی کا چیئرمین بننے میں رکاوٹ نہیں ڈالتا ۔ ذرائع کے مطابق مسلم لیگ (ن) نے اس سلسلہ میں پیپلز پارٹی سمیت دیگر اپوزیشن جماعتوں سے بھی رابطہ کرنے کر کے متفقہ حکمت عملی اپنانے کا فیصلہ کیا ہے ۔