Web
Analytics
اسحاق ڈار کے میڈیا پر آنے پر پابندی لگانا خوف کی علامت ہے، کیا پابندی لگانے اور نام ای سی ایل میں ڈالنے سے اسد عمر لائق ہوجائینگے ، مریم اورنگزیب حکومت پر برس پڑیں – Lahore TV Blogs
Home / اہم خبریں / اسحاق ڈار کے میڈیا پر آنے پر پابندی لگانا خوف کی علامت ہے، کیا پابندی لگانے اور نام ای سی ایل میں ڈالنے سے اسد عمر لائق ہوجائینگے ، مریم اورنگزیب حکومت پر برس پڑیں

اسحاق ڈار کے میڈیا پر آنے پر پابندی لگانا خوف کی علامت ہے، کیا پابندی لگانے اور نام ای سی ایل میں ڈالنے سے اسد عمر لائق ہوجائینگے ، مریم اورنگزیب حکومت پر برس پڑیں

لاہور(مانیٹرنگ ڈیسک) پاکستان مسلم لیگ ن کی ترجمان مریم اورنگزیب نے کہا ہے کہ موجودہ نااہل حکومت کا اسحاق ڈارکا میڈیا پرآنے پرپابندی لگانا خوف کی علامت ہے، موجودہ حکومت کے پاس اسحاق ڈاراورمفتاع اسماعیل کے سوالوں کا جواب نہیں، کیا پابندی لگانے اورنام ای سی ایل میں ڈالنے سے اسد عمرلائق نہیں ہو جائیں گے؟ انہوں نے وفاقی وزرائ کی پریس کانفرنس اور سابق وزیرخزانہ اسحاق ڈار کے میڈیا پر پابندی کے ردعمل میں کہا کہ موجودہ حکومت کوخود بھی اپنے نالائق اورنااہل ہونے کا پتہ چل گیا۔اس لیے مفتاع اسماعیل کا نام ای سی ایل اوراپوزیشن کوجیلوں میں ڈالا جا رہا ہے۔ انہوں نے کہا کہ کیا پابندی لگانے اورنام ای سی ایل میں ڈالنے سے اسد عمرلائق نہیں ہو

جائیں گے؟ مریم اورنگزیب نے کہا کہ موجودہ حکومت کے پاس اسحاق ڈاراورمفتاع اسماعیل کے سوالوں کا جواب نہیں۔اس لیے اسحاق ڈار پرپابندی اورمفتاع اسماعیل کا نام ای سی ایل میں ڈالا۔انہوں نے کہا کہ عمران صاحب یاد کریں جب آپ منتخب وزیراعظم کو گھسیٹنے کی بات کرتے تھے۔عمران صاحب یاد کریں جب آپ پارلیمنٹ پرلعنت بھیجتے تھے۔ انہوں نے کہا کہ سول نافرمانی کی تحریک کیلئے عوام کو اُکساتے تھے اوربجلی کے بل جلاتے تھے۔ واضح رہے آج یہاں معاون خصوصی برائے احتساب شہزاد اکبر کے ہمراہ پریس کانفرنس کرتے ہوئے وفاقی وزیر اطلاعات فواد چودھری کہا کہ شریف خاندان نے ملک میں کرپشن کی بنیاد رکھی۔حوالہ ہنڈی کے ذریعے پیسہ باہر بھیجا گیا۔ فواد چوہدری نے کہا کہ 10سال میں قرضوں میں 60 ارب ڈالرز کا اضافہ ہوا۔ انہوں نے کہا کہ اسحاق ڈارنے ملک میں منی لانڈرنگ کومتعارف کرایا۔ اسحاق ڈارنے منی لانڈرنگ کیلئے جعلی اکاؤنٹس بنائے۔ ایف آئی اے نے5 ہزارکے قریب اکاؤنٹس کی تحقیقات کیں۔ انہوں نے کہا کہ بلاول بھٹو کے32 اکاؤنٹس سے اخراجات سامنے آئے۔آصف زرداری نے سندھ میں جعلی اکاؤنٹس بنائے۔ سندھ کےعوام کا پیسہ آصف زرداری اینڈ کمپنی نے چرایا۔ ہل میٹل میں بھی وہی طریقہ اپنایا گیا جوحدیبیہ میں تھا۔ حدیبیہ پیپرز مل کے مالک نوازشریف تھے۔ حدیبیہ پیپرزمل کے ڈائریکٹرز شریف خاندان کے فیملی ممبرزتھے۔ فواد چودھری نے کہا کہ پرویزمشرف دورمیں نوازشریف کواین آراو دیا گیا۔ جس پر شریف فیملی کو معافی مل گئی۔انہوں نے کہا کہ نومبرمیں شہبازشریف کی فیملی باہرجانا شروع ہوئی۔ قوم چاہتی ہے کہ احتساب کا عمل اختتام کی طرف جائے۔ انہوں نے کہا کہ کرپشن کےخلاف جنگ لڑناعمران خان نہیں ہم سب کی ذمہ داری ہے۔ اس موقع پر معاون خصوصی برائے

احتساب شہزاد اکبر نے کہا کہ نیب نوٹس بھجوا کراپنی ڈیوٹی پوری کررہا ہے۔ مائیں، بہنیں سب کی قابل احترام ہیں۔نیب نوٹس بھجوا کر اپنی ذمہ داری پوری کررہا ہے۔ خواتین کے نام پرپیسے منگوائے گئے ہیں پھر تحقیقات توہوں گی۔ انہوں نے کہا کہ ن لیگ کی بھی کوئی ایان علی سامنے آجائے گی۔ شہزاد اکبر نے کہا کہ کرپشن اورلوٹ مارکے لیے جعلسازی کا طریقہ کار ایک جیسا ہے۔ انہوں نے کہا کہ دبئی کے جعلی اکاؤنٹس کومنی لانڈرنگ کیلئے استعمال کیا گیا۔ کرپٹ لوگوں کے خلاف گھیراتنگ کرنے کیلئے ہرکسی کو حکومت کا ساتھ دینا چاہیے۔