Web
Analytics
تمام ملازمین کی چھٹیاں منسوخ ، کیا ہونیوالاہے،حکومت نے اہم اعلان کردیا – Lahore TV Blogs
Home / پاکستان / تمام ملازمین کی چھٹیاں منسوخ ، کیا ہونیوالاہے،حکومت نے اہم اعلان کردیا

تمام ملازمین کی چھٹیاں منسوخ ، کیا ہونیوالاہے،حکومت نے اہم اعلان کردیا

اسلام آباد(نیو زڈیسک) خیبرپختونخوا کے میگا بس منصوبے بی آر ٹی کی تکمیل میں تاخیر پر شدید تنقید کے بعد صوبائی حکومت نے منصوبے کی تکمیل تک تمام ملازمین کی چھٹیاں منسوخ کردیں۔ترجمان بی آر ٹی کے مطابق منصوبے کی تکمیل سے قبل کوئی بھی پشاور ڈویلپمنٹ اتھارٹی (پی ڈی اے ) کا ملازم چھٹی نہیں کریگا، منصوبے پر تیزی سے کام کرنے کے لیے ملازمین کی شفٹیں بھی ڈبل کی جائیں گی۔ ترجمان بی آر ٹی کے مطابق ڈائریکٹر جنرل پی ڈی اے کو ہدایت کی گئی

ہے کہ ملازمین منصوبے کی تکمیل تک تعطیل نہیں لیں گے۔خیال رہے کہ ہشت نگری کے قریب بی آر ٹی منصوبے کے انڈر پاس میں ایک اور خامی سامنے آئی ہے جس میں گیس کی دو پائپ لائن موجود ہیں جس کے باعث وہاں سے گزرنے والے افراد کی زندگی کو شدید خطرات لاحق ہیں۔گزشتہ دنوں وزیراعلیٰ کی انسپکشن ٹیم نے پشاور میٹرو میں کئی خامیوں اور نقص کی نشاندہی کی تھی، جس کے بعد ایک خاتون بھی آزمائشی سروس کے دوران میٹرو بس کی ٹکر سے جاں بحق ہوگئی تھی۔