Web
Analytics
فیاض الحسن چوہان کے بیٹےفہد حسن کے پریکٹیکل میں نمبر بڑھنے کامعاملہ، حقیقت کھل کر سامنے آگئی – Lahore TV Blogs
Home / پاکستان / فیاض الحسن چوہان کے بیٹےفہد حسن کے پریکٹیکل میں نمبر بڑھنے کامعاملہ، حقیقت کھل کر سامنے آگئی

فیاض الحسن چوہان کے بیٹےفہد حسن کے پریکٹیکل میں نمبر بڑھنے کامعاملہ، حقیقت کھل کر سامنے آگئی

لاہور(نیوز ڈیسک)صوبائی وزیر کالونیز فیاض الحسن چوہان کے بیٹے کے پریکٹیکل میں نمبر بڑھنے سے متعلق ہیڈ ایگزیمنر کا اہم بیان سامنے آ گیا۔فیاض الحسن چوہان کے بیٹے فہد حسن کے ایف ایس سی کے پریکٹیکل میں نمبر بڑھانے کا انکشاف سامنے آیا تھا جس پر کنٹرولر امتحانات نے فہد حسن کا امتحانی نتائج روکتے ہوئے انکوائری کا حکم دیدیا تھا۔نجی ٹی وی نے ذرائع کے حوالے سے کہا ہے کہ فہد حسن کے پریکٹیکل میں نمبر بڑھنے کے حوالے سے انکوائری کا آغاز کر دیا گیا ہے اور ایف ایس سی فزکس کا پریکٹیکل لینے والے ہیڈ ایگزیمنر اور سب ایگزیمنر کے بیانات ریکارڈ کر لیے گئے ہیں۔ذرائع کا بتانا ہے کہ

رزلٹ شیٹ پر نمبروں کے ردوبدل کی جگہ پر دونوں ایگزیمنر کے دستخط موجود ہیں۔ذرائع کا کہنا ہے کہ ہیڈ ایگزیمنر نے اپنے بیان میں کہا ہے کہ میں نے خود 14 نمبروں کو بڑھا کر30 کیا اور دستخط بھی کیے جبکہ سب ایگزیمنر کے مطابق انہوں نے پریکٹیکل کے 14 سے 30 نمبروں کی تبدیلی سے اتفاق کرتے ہوئے دستخط کیے۔ذرائع راولپنڈی بورڈ کا کہنا ہے کہ انکوائری کمیٹی کی سربراہی غلام محمد جھکڑ کر رہے ہیں، انکوائری کمیٹی 2 روز میں سیکریسی ڈپارٹمنٹ سے اصل تصدیق شدہ مارکس شیٹ منگوائے گی اور پرچے میں نمبرز کے رد و بدل کے معاملے کی بھی تحقیقات ہوں گی۔ذرائع کا کہنا ہے کہ فیاض الحسن چوہان نے معاملے کی انکوائری کرنے کی درخواست چیئرمین بورڈ کو از خود ارسال کی ہے۔چیئرمین راولپنڈی بورڈ غلام دسگیر کا کہنا ہے کہ انکوائری آفیسر کو 48 گھنٹے میں رپورٹ پیش کرنے کا حکم دیا ہے۔ان کا کہنا ہے کہ ہیڈ ایگزیمنر کے پاس پانچ فیصد سے زائد نمبر کی تبدیلی کا اختیار نہیں، تحقیقات میں یہ جاننا ضروری ہے کہ ایگزیمنر نے نمبروں کی تبدیلی خود کی یا کسی کے دبا ئومیں آ کر کی، تحقیقات میں جو بھی ذمہ دار قرار پایا اس کے خلاف سخت کارروائی کریں گے۔خیال رہے کہ فیاض الحسن کے بیٹے نے نجی کالج سے بارہویں جماعت کے پرچے دیئے جس میں فہد حسن نے 769 نمبر حاصل کیے ۔