Web
Analytics
محمد بن سلمان کی جانب سے وزیراعظم عمران خان کو ہنگامی دورہ سعودی عرب کی دعوت – Lahore TV Blogs
Home / اہم خبریں / محمد بن سلمان کی جانب سے وزیراعظم عمران خان کو ہنگامی دورہ سعودی عرب کی دعوت

محمد بن سلمان کی جانب سے وزیراعظم عمران خان کو ہنگامی دورہ سعودی عرب کی دعوت

اسلام آباد (نیوز ڈیسک) سعودی ولی عہد کی جانب سے وزیراعظم کو ہنگامی دورہ سعودی عرب کی دعوت، عمران خان 19 ستمبر کو 2 روزہ دورے پر سعودی عرب جائینگے، وزیر خارجہ شاہ محمود قریشی، مشیر خزانہ حفیظ شیخ اور مشیر برائے تجارت رزاق داؤد بھی ہمرا ہوں گے۔ تفصیلات کے مطابق وزیراعظم عمران خان نے دورہ امریکا سے قبل سعودی عرب کا دورہ کرنے کا فیصلہ کیا ہے۔بتایا گیا ہے کہ وزیراعظم عمران خان دورہ سعودی عرب سعودی ولی عہد محمد بن سلمان کی دعوت پر کر رہے ہیں۔ وزیراعظم عمران خان 19 ستمبر کو سعودی عرب کیلئے رواںہ ہوں گے وہاں 2 روز کیلئے قیام کریں گے۔ اپنے قیام کے دوران وزیراعظم عمران خان سعودی ولی عہد اور دیگر سعودی قیادت سے اہم ملاقاتیں کریں گے۔

بعد ازاں وزیراعظم عمران خان سعودی عرب سے ہی اقوام متحدہ کے اجلاس میں شرکت کے لئے امریکہ روانہ ہوں گے۔سعودی عرب کے علاوہ وزیراعظم عمران خان کے دورہ امریکا کا شیڈول بھی طے کر لیا گیا ہے۔ وزیراعظم عمران خان دورہ امریکا کے سلسلے میں 21 ستمبر کو نیویارک پہنچیں گے۔ امریکا میں جنرل اسمبلی اجلاس کے دوران وزیراعظم اہم ممالک کے سربراہوں سے بھی ملاقاتیں کریں گے۔ امریکا کے دوران وزیراعظم عمران خان امریکی صدر ڈونلڈ ٹرمپ سے 2 مرتبہ ملاقات کریں گے۔ وزیراعظم عمران خان کی امریکی صدر ڈونلڈ ٹرمپ سے ایک ملاقات ظہرانے پر جبکہ دوسری ملاقات ہائی ٹی پر ہوگی۔ امریکی صدر سے ملاقاتوں کے علاوہ وزیراعظم 27 ستمبر کو اقوام متحدہ کی جنرل اسمبلی سے خطاب کریں گے۔