Web
Analytics
سپریم کورٹ نےنجی اسکولوں کی فیسوں میں اضافے کو کالعدم قرار دینے کے بعد ایسا حکم جاری کردیاکہ پاکستانیوں میں خوشی کی لہردوڑ گئی – Lahore TV Blogs
Home / پاکستان / سپریم کورٹ نےنجی اسکولوں کی فیسوں میں اضافے کو کالعدم قرار دینے کے بعد ایسا حکم جاری کردیاکہ پاکستانیوں میں خوشی کی لہردوڑ گئی

سپریم کورٹ نےنجی اسکولوں کی فیسوں میں اضافے کو کالعدم قرار دینے کے بعد ایسا حکم جاری کردیاکہ پاکستانیوں میں خوشی کی لہردوڑ گئی

لاہور(نیوز ڈیسک) پاکستانی میں تعلیمی نظام پر ہمیشہ سوالیہ نشان اٹھتے رہے ہیں،ایک تو یہاں نظام تعلیم ایک جیسا نہیں ہے ایک سکول میں کچھ پڑھایا جاتا ہے تو دوسرے سکول میں کچھ اور۔اس کے علاوہ اچھی تعلیم دینے والے اداروں نے جس قدر فیسوں میں اضافہ کیا ہے وہاں مڈل کلاس والدین تو اپنے بچوں کو کبھی بھی نہیں بھیج سکتے۔یہی وجہ ہے کہ گزشتہ کافی عرصے سے اس کیس کو سپریم کورٹ خود دیکھ رہی ہے۔فیسوں کے معاملے میں پہلے بھی سپریم کورٹ آرڈر دے چکی ہے اور اب ایک بار پھر بہت بڑا فیصلہ بھی کیا ہے۔سپریم کورٹ نے نجی اسکولز ایسوسی ایشن کو سالانہ پانچ فیصد سے زائد فیس نہ بڑھانے کا حکم دیا تھا

جب کہ سات فیصد تک فیس بڑھانے والے اسکولوں کو اسپیشل کیس کے طور پر ریگولیٹری باڈی کے پاس جانے کا بھی حکم دیا تھا جب کہ نجی اسکولز ایسوسی ایشن نے عدالت کے فیصلے کو پہلے رضا کارانہ طور پر قبول کیا جسے بعد میں چیلنج کردیا گیا۔چیف جسٹس پاکستان جسٹس آصف سعید کھوسہ کی سربراہی میں تین رکنی بینچ نے کیس کی سماعت کی تھی جس کا 69 صفحات پر مشتمل تفصیلی فیصلہ جسٹس اعجازلحسن نے تحریر کیا ہے جب کہ فیصلے میں جسٹس فیصل عرب نے اختلافی نوٹ تحریر کرتے ہوئے کہا ہے کہ سالانہ فیسوں میں 5 فیصد اضافے کی حد مقرر کرنا مناسب نہیں، فیسوں میں سالانہ 8 فیصد اضافہ کرنا زمینی حقائق سے مطابقت رکھتا ہے۔سپریم کورٹ کی جانب سے جاری تفصیلی فیصلے میں نجی اسکولوں کی فیسوں میں 2017 کے بعد کیا گیا اضافہ کالعدم قرار دیا گیاہے اور نجی اسکولوں کی فیسوں کو جنوری 2017 کی تاریخ تک منجمد کرنے کا حکم بھی دیا گیا ہے۔عدالتی فیصلے میں کہا گیا ہے کہ نجی اسکولوں نے 2017 سے خلاف قانون فیس میں بہت زیادہ اضافہ کیا، نجی اسکولوں کی فیس وہی ہوگی جو جنوری 2017 میں تھی، فیسوں میں کی گئی 20 فیصد کمی والدین سے ریکور نہیں کی جائے گی، نجی اسکول قانون کے مطابق اپنی فیسوں کا دوبارہ تعین کریں۔سپریم کورٹ نے اپنے حکم میں کہا ہے کہ اسکولوں کی فیس کی ری کیلکولیشن کی نگرانی متعلقہ ریگولیٹری اتھارٹی کرے گی، متعلقہ اتھارٹی کی منظور شدہ فیس ہی والدین سے لی جاسکے گی، والدین سے لی گئی اضافی فیس آئندہ فیس میں ایڈجسٹ کی جائے، ریگولیٹرز اسکولوں کی جانب سے وصول کی جانے والی فیس کی نگرانی کریں۔عدالت نے حکم دیا کہ اسکول فیس سے متعلق شکایات کے ازالے کے لیے کمپلینٹ سیل بھی بنایا جائے۔